Chal Na Ga Jabo Baratiya Bhola ke Lyrics | Dukalu Yadav Jas Lyrics
चल ना गा जाबो बरतिया भोला के
बरतिया शिव भोला के बरतिया हो
चल ना गा जाबो बरतिया भोला के
बरतिया शिव भोला के बरतिया हो
गला म सरपन के माला लगाए हे हो
अंग म राखे भभुते लगाए हे
सब देवी देवता गण सकलाए हे हो
बिहाव करे बर भोला अगुवाए हे
चल ना गा चल ना गा
चल ना गा जाबे बरतिया भोला के
बरतिया शिव भोला के बरतिया हो
अजब गजब के बाजा हा बाजे हे हो
भूत परेत मन नाचन लागे हे
कतको हा भांग पी के भकवाए हे हो
गांजा ला पी के धूंआ ला उड़ाए हे
चल ना गा चल ना गा
चल ना गा जाबो बारतिया भोला के
बरतिया शिव भोला के बरतिया हो
बईला म चढ़ के बरतिया जाए हे हो
पहुंचे बाराती घर रतिहा परघाए हे
कैलाश पर्वत ले बरतिया आये हे
प्रेम कोसरिया घलो जुरियाए हे
चल ना गा जाबो बारतिया भोला के
बरतिया शिव भोला के बरतिया हो
चल ना गा जाबो बारतिया भोला के
बरतिया शिव भोला के बरतिया हो
0 Comments