Dihi Ma Dihiwarin Dai Lyrics | Kantikartik Yadav Jas Geet Lyrics
मुसुर मुसुर मुसकावत हे
डीही म डीहीवारीन दाई
मुसुर मुसुर मुसकावत हे
अपन भगत के दुख सुख ल
अपन भगत के दुख सुख ल
हांस के गले लगावत हे
तोर डीही के घेरा डेरा म कुरिया हावै बनाए
दया मया बरसाबे ओ दाई पंवरी म लेबे बसाए
बड़ मयारू माता हस मोर सुध राखे हौ लमाए
एक घड़ी आठो घड़ी पुनी पुनी याद समाए
भगती के भाव म जग हा परे हे
भगती के भाव म जग हा परे हे
तभे सेवा बजावत हे
लाखो आथे तोर दुवारी किरपा पाए ल महतारी
कोन्हो नवा बहूरिया हावै कोन्हो बांझन महतारी
आशा पुराथस दाई भगत के सुग्घर ओरी पारी
कोरा म लईका ओ हा खेलाथे बन के ओ महतारी
जीवन बगिया के तैं माली अस
जीवन बगिया के तैं माली अस
सेवा तोर पावत हे
धरम दुवारी तीही हरस वो ऐ मोर बूढ़ी माई
सेवा भाव ल हमन नई जानन नई जानन तिरताई
नीम के छंईहा तोला सुहाथे तरिया पार सुख दाई
धोवा पहिरनी पहिरे माता धरम रूप रूपसाई
सेवा भाव ले सेवा कर के
सेवा भाव ले सेवा कर के
सुग्घर भव हरियावत हे
बीरा सुपत सम्मार के तोरे बार रथे मोर दाई
चौरी चनादार दूध दही कच्चा तेल हरदी चघाई
अलहन अनहोनी के हरईया ए मोर शीतला दाई
रोगराई ल तैं हा नसाथस भैरव लंगुरवा हे भाई
कांतिकार्तिक मौनी लाला
कांतिकार्तिक मौनी लाला
तोर चरण रज पावत हे
अपन भगत के दुख सुख ल
अपन भगत के दुख सुख ल
हांस के गले लगावत हे
Posts
0 Comments